2017-ci il oktyabr 11-də Xəzər Universiteti və “Dünya” məktəbinin nümayəndə heyəti ilə Paris 1 Panteon-Sarbonne Universitetinin nümayəndələri görüşdülər və iki universitet arasında əməkdaşlıq məsələlərini müzakirə etdilər.

Paris 1 Panteon-Sarbonne Universitetinin nümayəndələri professor Maria Gravari Barbas (Beynəlxalq əlaqələr üzrə prorektor), Dr. Anni Soryo (Beynəlxalq əlaqələr şöbəsinin direktoru), Anais Pambukician (Beynəlxalq əməkdaşlıq şöbəsinin direktoru), Dr. Dlorent Pratlonq (İdarəetmə üzrə Baş mühazir) və Dr. Aureli Kondevudan (Turizm üzrə fənlərarası tədqiqat qrupu üzrə (EIREST) Baş mühazir) daxil idi.

Paris 1 Panteon-Sarbon Universitetinin Beynəlxalq əlaqələr şöbəsinin direktoru Dr. Anni Soryo universitet haqqında qısa bir təqdimatla çıxış etdi. Beynəlxalq Münasibətlər üzrə prorektor professor Maria Gravari Barbas iqtisadiyyat, idarəetmə və turizm daxil olmaqla, potensial əməkdaşlıq üçün uyğun olan müxtəlif sahələri vurğulamışdır.

Professor Hamlet İsaxanlı Xəzər Universiteti haqqında danışdı, onun inkişaf strategiyası və beynəlxalq əməkdaşlıq prioritetləri barədə məlumat verdi. O, Paris 1 Panteon-Sarbonne Universiteti ilə əməkdaşlığın həyata keçirilməsi üçün öz dərin marağını ifadə etdi. Beynəlxalq əlaqələr ofisinin direktoru Turan Cəfərova Xəzər Universiteti haqqında təqdimat ilə çıxış etdi. Tədbir hədiyyələrin və universitetlərin təqdimat materiallarının qarşılıqlı təqdim edilməsi ilə yekunlaşdı.

Nümayəndə heyətinə Xəzər Universitetinin təsisçisi və Direktorlar və Qəyyumlar Şurasının sədri professor Hamlet İsaxanlının rəhbərliyi ilə universitetin (rektor Dr. Hakan Niknafs, Elmi işlər üzrə prorektor Dr. İradə Xəlilova, İnkişaf direktoru Raziyə İsayeva, Psixologiya şöbəsinin koordinatoru Ülkər İsayeva, Beynəlxalq əlaqələr ofisinin direktoru Turan Cəfərova) və “Dünya” məktəbinin (“Dünya” məktəbinin həmtəsisçisi Nailə xanım İsayeva, “Dünya” məktəbinin direktoru Mərufə Mədətli, IB (beynəlxalq bakalavriat) proqramının koordinatoru Rəna Həsənova) inzibati heyəti daxil idi.