Xəzər Universiteti Tarix və arxeologiya departamentinin müəllimi Ziyad Əmrahovun “Azərbaycan tarixinin mənbələri” (“The sources of the Azerbaijan History”) adlı yeni dərsliyi çap edilmişdir. Dərslik mənbəşünaslıq elminin tarix elminin bir sahəsi kimi meydana çıxması və onun inkişaf mərhələlərini, eləcə də Azərbaycan tarixinin ən qədim dövründən XIX əsr tarixi dövrünə qədər olan mənbələrini əhatə edir. Kitabda Azərbaycan tarixinin ən qədim dövrünə aid mənbələr və onların xüsusiyyətləri, Azərbaycan tarixinin antik dövrünə aid mənbələri, erkən orta əsr erməni müəlliflərinin əsərləri, yerli alban mənbələri, ərəb mənbələri, türkdilli mənbələr, Azərbaycan tarixinə aid XI-XV əsr mənbələri, Səfəvilər dövrünə aid mənbələr, Azərbaycan xanlıqlar dövrü mənbələri, qanunvericilik aktlarının mənbə kimi xüsusiyyətlərinə diqqət yetirilir.

Dərslik ingilis dilindədir, ali məktəb tələbələri, magistrləri, müəllimləri, eləcə də geniş oxucu auditoriyası üçün nəzərdə tutulmuşdur.