Xəbər verildiyi kimi, Azərbaycan Televiziyası “Mədəniyyət” kanalının bu ilin may ayında elan etdiyi bəstəkarlar arasında romans janrında yazılan əsərlərin respublika müsabiqəsinin 10 qalibi arasında “Dünya” məktəbinin müəllimi, bəstəkar Sevda Rəhimovanın Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının “İkimizdən birimiz” adlı şeirinə bəstələdiyi eyni adlı romans da vardı.

Oktyabrın 17-də Beynəlxalq Muğam Mərkəzində müsabiqə qaliblərinin təqdimat mərasimi keçirilib. “Mədəniyyət” kanalının direktoru, müsabiqənin təşəbbüskarı Ramil Qasımov və əməkdar incəsənət xadimi Elnarə Dadaşova çıxış edərək, layihənin romans janrına, ümumiyyətlə, Azərbaycan mədəniyyətinə verdiyi töhfələrdən danışıblar.

Sonra qalib romanslar ifa olunub. Bəstəkar Sevda Rəhimovanın “İkimizdən birimiz” romansını Xəzər Universitetinin Kamera orkestrinin müşayiəti ilə (bədii rəhbər Xəzər Universiteti Musiqi və incəsənət departamentinin müdiri, dosent, əməkdar müəllim, pianoçu Zülfiyyə Sadıqova) müğənnilər Anton Ferştandt və Səidə Şərifəliyeva ifa ediblər.

Tədbirdə bəstəkar Sevda Rəhimova, Professor Hamlet İsaxanlı və Xəzər Universitetinin əməkdaşları iştirak edirdilər.

Tədbir haqqında mediada xəbərlər yayımlanmışdır:

http://news.lent.az/news/285957

https://apa.az/medeniyyet-xeberleri/incesenet-haqqinda/yeni-romanslar-musabiqesinin-qaliblerinin-teqdimetme-merasimi-kecirilib-7138.html

https://az.trend.az/azerbaijan/culture/2809805.html