2017-ci il oktyabrın 14-də Xəzər Universitetinin Təhsil fakültəsinin tarix müəllimliyi ixtisasının I və IV il tələbələrinin Qədim Ağsu şəhər yerinə çoxdan gözlənilən səfəri gerçəkləşdirildi. Bu səfər Xəzər Universitetinin Tarix və arxeologiya departamentinin müdiri dosent Roza Arazova və müəllimi Orxan Zamanovun təşəbbüsü və təşkilatçılığı “Miras” Mədəni İrsin Öyrənilməsinə Kömək İctimai Birliyinin sədri arxeoloq PhD. Fariz Xəlillinin iştirakı ilə baş tutdu. Səfər bütün gün boyu Azərbaycanın tarixi Şirvan bölgəsinin əsas abidələrinə gəzinti və ekskurs-dərs şəklində davam etdi. Əvvəlcə, Xəzər Universitetinin tələbə və müəllim heyəti XV əsrə aid Diri Baba türbəsini ziyarət etdilər. Daha sonra Ağsu Orta əsr şəhər yerində arxeoloq F.Xəlillinin təqdimatı ilə XVIII əsr vətən tarixi və Azərbaycanda İslam arxeologiyasının son mərhələsini əhatələyən çox maraqlı və əyani ekskurs-dərs həyata keçirildi. Yekun olaraq, Şamaxı şəhərindəki tarixi və monumental Cümə məscidinə baxış keçirildi və səfər sona çatdı.