2017-ci il oktyabrın 12-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının başçılıq etdiyi nümayəndə heyəti Azərbaycanın UNESCO-dakı səfiri və daimi nümayəndəsi cənab Anar Kərimovla görüşdü. Görüş UNESCO-nun Parisdəki Baş qərargahında keçirildi.

Professor Hamlet İsaxanlı Xəzər Universitetindən, onun dünya universitetləri arasında reytinqindən və layihələrdəki yüksək nailiyyətlərindən danışdı. Səfir Xəzər Universitetinin müvəffəqiyyətlərinə çox sevindiyini bildirdi və ona uğurlar arzuladı. Onlar, həmçinin, Xəzər Universiteti ilə UNESCO arasında elm və təhsil sahəsində gələcək əməkdaşlığı da müzakirə etdilər.

Həmin gün Xəzər Universitetinin nümayəndə heyəti Viktor Hugo Məktəbini də ziyarət etdi və məktəbin rəhbəri cənab Frans Ponsartla görüşdü. Həm Viktor Hugo məktəbinin, həm də “Dünya” məktəbinin nümayəndələri məktəblər haqqında təqdimatlar etdilər və iki tərəf arasında əməkdaşlıq imkanları müzakirə olundu.

Nümayəndə heyətinə Xəzər Universitetinin (rektor Hassan Niknafs, Elmi işlər üzrə prorektor Dr. İradə Xəlilova, İnkişaf Mərkəzinin direktoru Raziya İsayeva, Psixologiya departamentinin koordinatoru Ülkər İsayeva, Beynəlxalq əlaqələr şöbəsinin direktoru Turan Cəfərova) və onun nəzdindəki “Dunya” məktəbinin (“Dünya” məktəbinin həmtəsisçisi Nailə xanım İsayeva, məktəbin direktoru Mərufə Mədətli, İB proqramı koordinatoru Rəna Həsənova) inzibati əməkdaşları daxildirlər.

Səfər Xəzər Universiteti və Paris Sorbonne Universiteti-Abu Dabi tərəfindən birgə təşkil edilmiş və Azərbaycan Respublikasının Fransadakı səfirliyi tərəfindən dəstəklənmişdir.