2017-ci il oktyabrın 10-da Xəzər Universitetinin Tarix və Arxeologiya departamentinin və Misir Səfirliyinin Mədəniyyət və Təhsil Əlaqələri Mərkəzinin təşəbbüsü ilə Xəzər Universiteti Təhsil fakültəsi tarix müəllimliyi ixtisasının tələbələrinin Qədim Şərq tarixi dərsinin mühüm tərkib hissəsi olan Qədim Misir tarixi və mədəniyyəti ilə bağlı dərs Azərbaycanın Misir Mədəniyyət Mərkəzində keçirildi. Bu dərsin Misir Mədəniyyət Mərkəzində keçirilməsi tarix ixtisası üzrə təhsil alan tələbələrin əyani olaraq Qədim Şərq fənn ilə bağlı biliklərə yiyələnməsinə və dünyagörüşlərinin artmasına dəstək məqsədi daşıyır. Tədbirdə tələbələrlə yanaşı, Xəzər Universitetinin İngilis dili və ədəbiyyat departamentinin baş müəllimi Firəngiz Nəsirova, Xəzər Universitetinin Tarix və arxeologiya departamentinin müdiri PhD Roza Arazova, Tarix və arxeologiya departamentinin müəllimi Orxan Zamanov və “Azərbaycan arxeologiyası” jurnalının redaktoru professor Qüdrət İsmayılzadə iştirak etdirdilər.

İştirakçıları salamlayan Misir Mədəniyyət Mərkəzi və Təhsil Əlaqələri Mərkəzinin müdiri Əhməd Sami Elaydi rəhbərlik etdiyi qurumun yaranma tarixin və fəaliyyəti, Misir və Azərbaycan arasında mədəni əlaqələr barədə, eləcə də, Xəzər Universiteti ilə əməkdaşlıq barədə geniş məlumat verərək bildirdi: “Misir və Azərbaycan arasında dostluq əlaqələri uzun illər mövcud olmuşdur. Misir Mədəniyyət və Təhsil Əlaqələri Mərkəzinin əsas istiqamətlərindən biri də iki ölkə arasında olan əlaqələri daha da genişləndirməkdən, təhsil sahəsində əməkdaşlığı artırmaqdan, tələbə və müəllim mübadiləsini, beynəlxalq elmi konfransların, treninqlərin təşkilinin həyata keçirməkdən ibarətdir. Tələbələrin Qədim Misir sivilizasiyasına olan marağını nəzərə alaraq, universitet rəhbərliyinin təşəbbüsü ilə Misir Mədəniyyət və Təhsil Əlaqələri Mərkəzində bu tədbirin keçirilməsini yüksək qiymətləndirəm”.

Daha sonra mərkəzin rəhbəri tələbələrə Qədim Misir sivilizasiyası haqqında mühazirə oxudu, Misirin tarixi və mədəniyyətini əks olunduğu slayd və film nümayiş olundu.

Daha sonra Xəzər Universitetinin Tarix və arxeologiya departamentinin rəhbəri PhD Roza Arazova və “Azərbaycan arxeologiyası” jurnalının redaktoru, professor Qüdrət İsmayılzadə Qədim Misir tarixi və tədqiqatlar haqqında tələbələrə məlumat verdilər.

Tədbir davamında tələbələrlə açıq diskussiya və fikir mübadiləsi baş tutdu.

Tədbirin keçirilməsi tarix ixtisası üzrə təhsil alan tələbələrin əyani olaraq, Qədim Şərq tarixi fənn ilə bağlı biliklərə yiyələnməsinə və dünyagörüşlərinin artmasına dəstək məqsədi daşıyırdı.