İyulun 13-də Azərbaycanın Fransadakı səfirliyi, Parisdəki Azərbaycan Mədəniyyət Mərkəzi və Azərbaycanın Dostları Assosiasiyasının təşkilatçılığı ilə Azərbaycan Mədəniyyət Mərkəzində Fransanın milli bayramı - Bastiliyanın alınması günü münasibətilə tədbir keçirilmişdir. Tədbirdə Azərbaycanın Fransadakı səfirliyinin və UNESKO-nun əməkdaşları, senatorlar və şəhər ictmaiyyətinin nümayəndələri iştirak etmişlər. Azərbaycanın Fransadakı səfirliyinin müşaviri Nigar Hüseynova tədbirdə çıxış edərək, Azərbaycan - Fransa əlaqələrinin yüksək səviyyədə olmasından danışmışdır.
Tədbirin bədii hissəsində Xəzər Universitetinin Musiqi və incəsənət departamentinin müdiri,əməkdar müəllim, pianoçu Zülfiyyə Sadıqova çıxış etmişdir.