2017-ci il sentyabrın 19-da Xəzər Universitetində genomun oxunması üçün Amerikanın nəhəng “Illumina” avadanlıq tədarükçüsü Alliance Global qrupu ilə birgə (Illumina Inc./Alliance Global) biologiya ixtisası tələbələrinə, gənc tədqiqatçılara və həkimlərə “Introduction to ILLUMINA Next Generation Sequencing” adlı elmi seminar-konfrans keçirildi. Seminarda Təhsil fakültəsinin Bioloji elmlər departamentinin müdiri Dr. İradə Xəlilova, departamentin müəllimləri Dr. Zaur Kərimov, Pərvanə Baxşəliyeva, departamentin PhD və biologiya müəllimliyi oxuyan tələbələri iştirak edirdilər. Seminar- konfransda, həmçinin, bir sıra klinikalardan həkimlər iştirak edirdilər.
Seminar-konfrans iki hissədən ibarət idi. Birinci hissədə Dr. Szabolcs çıxış edərək, klinikada, elm və təhsildə “sequencing” metodları və aparılan müasir tədqiqat işlərinin nəticələri haqqında geniş məlumat verdi. Seminarın ikinci hissəsində Dr. Florian Graedler onkoloji panellər və HLA, genetika və sağlamlıq, həmçinin insan sağlamlığını yaxşılaşdırmaq məqsədilə bioloji məlumatların toplanması, təhlili və tətbiqindən danışdı. Seminarda müasir tədqiqatlarda İllumina texnologiyalarının istifadə metodları haqda geniş müzakirələr aparıldı.