Xəzər Universiteti Tarix və Arxeologiya departamentinin müəllimi Orxan Zamanov Avropa Komissiyasının “Horizon-2020” Maria Skladovska-Küri Proqramı tərəfindən maliyyələşdirilən “Biliyin mübadiləsi və akademik mədəniyyətlər humanitar elmlərdə: Avropa və Qara dəniz bölgəsi, 18-ci əsrin sonundan 21-ci əsrə qədər” layihəsi çərçivəsində Avstriya və Gürcüstanda elmi tədqiqatlar aparmışdır.

Layihənin ilk mərhələsi 2017-ci ilin yanvarın 14-də Gürcüstanın Şota Rustaveli adına Batumi Dövlət Universitetində başlandı –layihə ilə bağlı ilk texniki və nəzəri seminar keçirildi. Seminarı professor Karl Kayzer və onun kafedrasının əməkdaşı Dominik Gutmeyr (PhD) aparırdılar.

İyunun 12-dən etibarən Xəzər Universiteti və Arxeologiya və Etnoqrafiya İnstitutunun əməkdaşı Orxan Zamanov layihə çərçivəsində ilk elmi ezamiyyətini Karl və Frans ad. Qrats Universitetinə etdi.

Orxan Zamanov ezam olunduğu ölkələrdə həmkarları ilə elmi mübadilə xarakterli görüşlərdə iştirak etdi, layihə çərçivəsində elmi tədqiqat mövzuları ilə əlaqədar araşdırmalar apardı, həmçinin, arxeoloji abidələrlə tanış oldu, kitabxanalarda, elmi araşdırma mərkəzlərində və elmi arxivlərdə tədqiqatlarını davam etdi.