2017-ci il avqustun 25-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı “Qarabağ” futbol klubunun UEFA Çempionlar Liqasının qrup mərhələsinə vəsiqə qazanması münasibətilə AFFA-nın prezidenti Rövnəq Abdullayevə, AFFA-nın baş katibi Elxan Məmmədova və “Qarabağ” futbol klubunun prezidenti Tahir Gözala təbrik məktubları göndərmişdir. Məktublarda professor Hamlet İsaxanlı “Qarabağ” futbol klubunu Avropa Çempionlar Liqasının qrup mərhələsinə yüksələn ilk Azərbaycan klubu kimi təbrik etmiş, komandaya yeni uğurlar arzulamış və “Qarabağ” komandasını uyğun bir vaxtda Xəzər Universitetində görüşə dəvət etmişdir.