Türkiyənin Yükseköğretim Kurulu (YÖK) Xəzər Universitəsinin diplomlarını birbaşa tanımağa qərar vermişdir.

Belə ki, Yükseköğretim Kurulunun (YÖK) 12 may 2016-ci il tarixində keçirilən toplantısında qərara alınmışdır ki, Academic Ranking of World University (ARWU), CWTS Leiden Ranking Academic Ranking, QS World University Rankings, Times Higher Education World University Ranking, University Ranking by Academic Performance (URAP) sıralamalarında yer alan ilk 1000 universitə tərəfindən verilən diplomlar YÖK tərəfindən birbaşa (heç bir imtahan verilmədən) tanınacaqdır.

Xəzər Universitəsi 2012-ci ildən bu günə kimi QS World University Rankings sıralamasında ilk 600-700+ universitə sırasında yer almış, üstəlik, 2017-ci ildə dünyanın ən yaxşı 150 gənc (yəni, yaşı 50-ni keçməyən) universitəsi sırasına daxil edilmişdir (Azərbaycandan tək universitə olaraq).

Türkiyəli tələbələrimizi və potensial tələbələri təbrik edirik.