Xəzər Universiteti Humanitar və sosial elmlər fakültəsinin dekan köməkçisi, universitetin doktorantı Validə Kərimovanın “Possibility of Foreign Languages in the Education System of Azerbaijan: Analysis of the Best Foreign Language among Students’in Higher Private Educational Institutions” (“Azərbaycanın təhsil sistemində xarici dil imkanı: özəl ali təhsil müəssisələrində tələbələr arasında ən yaxşı xarici dilin təhlili”) adlı tədqiqat işi Türkiyənin Sakarya şəhərində TOJQIH (The Online Journal of Quality in Higher Education) jurnalının iyul buraxılışında çap edilmişdir.

Qeyd edək ki, müəllif eyni adlı məruzə ilə 2016-cı il noyabrın 24-25-də Sakaryada keçirilən beynəlxalq konfransda (ICQH 2016) çıxış etmişdir.

Validə Kərimovanın tədqiqat işi 2015-2016-cı tədris ili müddətində Xəzər Universiteti və Qafqaz Universitetinin (hazırki Bakı Mühəndislik Universiteti) 301 tələbəsi arasında ən yaxşı xarici dilin təhlili mövzusunda aparılmış və iki özəl universitet tələbələri arasında ən yaxşı xarici dilin hansı olduğunu, xarici dili bilmə səviyyələrini müəyyənləşdirmişdir.

Tədqiqat işi ilə aşağıdakı linklər vasitəsilə tanış ola bilərsiniz: http://www.tojqih.net/journals/tojqih/articles/v04i03/v04i03-03.pdf http://www.tojqih.net/journals/tojqih/volumes/tojqih-volume04-i03.pdf