2017-ci il iyulun 10-14-də, Kozminski Universitetinin (Polşa, Varşava) Beynəlxalq Əlaqələr Şöbəsinin direktoru Valentina Guminska Xəzər Universitetində Erasmus+proqramı çərçivəsində mübadilə proqramında iştirak etdi.

Mübadilənin əsas məqsədi Xəzər Universitetinin Beynəlxalq Əlaqələr Şöbəsinin və universitetin bir sıra digər departament və şöbələrinin işi ilə yaxından tanış olmaq idi. Həmin müddət ərzində Valentina Guminska Xəzər Universitetinin rektoru Hassan Niknafs, İnkişaf Mərkəzinin direktoru Raziyə İsayeva, Keyfiyyətin Təminatı Mərkəzinin direktoru Lyudmila Sotova, Karyera Mərkəzinin koordinatoru Fatma Ələkbərova, Biologiya departamentinin müdirii İradə Xəlilova, İqtisadiyyat və menecment fakültəsinin dekanı Ceyhun Məmmədov, Magistratura, doktorantura və elmi işlər bölməsinin müdiri Eldar Şahgəldiyev, Humanitar və sosial elmlər fakültəsinin dekanı Cabir Xəlilov, Siyasi elmlər və beynəlxalq münasibətlər departamentinin koordinatoru Elmar Mustafayev və İngilis dili və ədəbiyyatı departamentinin müdir müavini Eynur Mehdiyev ilə görüşdü.

Qonağı Xəzər Universitetinin təsisçisi, Direktorlar və Qəyyumlar Şurasının sədri Professor Hamlet İsaxanlı da qəbul etdi.

Xəzər Universiteti ilə Kozminski Universiteti arasında Erasmus+ müqaviləsi 2015-ci ilin sonunda imzalanmışdır. O vaxtdan etibarən hər iki universitetin tələbə, akademik və inzibati heyəti mübadilədə iştirak etmişlər.