2017-ci il iyunun 3-də Xəzər Universitetinin İnkişaf mərkəzində “Universitetdə miqrasiya təhsilinin təşviqi” Erasmus Plus (PROMİG, 573554-EPP-1-2016-1-GE-EPPKA2-CBHE-JP) layihəsi çərçivəsində layihənin koordinatoru Ivane Cavaxişvili  adına Tbilisi Dövlət Universitetinin koordinatoru Dr.Nino Parsadanişvili və Gürcüstan İctimai İşlər Universitetinin əməkdaşı İrine Bakradze ilə görüş keçirildi. Görüş zamanı layihə çərçivəsində nəzərdə tutlmuş işlər, treninq və seminarların vaxtı və mövzusu geniş müzakirə olunmuş, layihənin Xəzər Universiteti üçün növbəti addımları planlaşdırılmışdır. İnkişaf mərkəzinin direktoru Raziyə İsayeva layihənin ilkin mərhələsi müddətində görülmüş işlərdən və universitet qarşısında duran öhdəliklər haqqında məlumat vermişdir.

Qonaqlar, həmçinin, Xəzər Universitetinin rektoru Dr. Hassan Niknafsla görüşmüş, layihə haqqında fikir mübadiləsi aparmış və gələcəkdə hər iki Gürcüstan universiteti ilə əməkdaşlığın daha da genişləndirilməsi məsələlərinə toxunmuşlar.