2017-ci il iyunun 20-də Xəzər Universitetinin Mərmər salonunda dizayn ixtisası və xor fənni üzrə təhsil alan tələbələrin yaradıçılığına baxış keçirildi.Tədbirdə universitetin rəhbərliyi, dekanlar, departament müdirləri və əməkdaşlar iştirak edirdilər.
Qeyd edək ki, dizayn ixtisası universitetdə cari dərs ilindən başlayaraq, ilk dəfə tədris olunur. (Müəllimlər Afaq Kərimova və Anar Əsədov). Musiqi və incəsənət departamentinin müdiri, pianoçu Zülfiyyə Sadıqova, departamentin müəllimi Afaq Kərimova çıxış edərək, tələbələrin dizayn və xor yaradıcılığı haqqında məlumat verdilər. İştirakçılar tələbələrin Mərmər salonda nümayiş etdirilən işlərinə baxmağa dəvət olundular. Tələbələr öz işləri haqqında məlumat verib, sualları cavablandırdılar.
Sonra Xəzər Universitetinin müəllimi Məhsəti Cabbarovanın dirijorluğu ilə tələbələrdən ibarət xor kollektivi pianoda Zülfiyyə Sadıqovanın müşayiəti ilə hazırladıqları konsert proqramını təqdim etdilər.
Tələbələrin yaradıcılıq işləri iştirakçılar tərəfindən maraqla qarşılandı. Xəzər Universitetinin rektoru Hassan Niknafs çıxış edərək, onlara uğurlar arzuladı.