2017-ci il iyunun 16-da Xəzər Universitetində növbəti “Açıq qapı” günü keçirildi. “Kainat” Tədris Mərkəzinin Bakının Qaradağ rayonundakı Lökbatan qəsəbəsi və Sahil qəsəbəsi bölmələrinin XI sinif şagirdləri universitetin “Mərmər” zalında toplaşmışdılar. Zalda ixtisas qrupları üzrə və universitetdə fəaliyyət göstərən əsas mərkəzlərin informasiya masaları qurulmuşdu.

Tədbiri universitetin Təhsil fakültəsinin dekanı Elza Səmədova açaraq, universitet haqqında məlumat verdi.

Şagirdlər Xəzər Universiteti barəsində videoçarxlara baxdılar və onlara universitetin bukletləri paylandı.

Qonaqlar universitetin müxtəlif ölkələrdə yüksək vəzifələrdə çalışan məzunları barəsində məlumatla tanış oldular. Qonaqlara konsert proqramı təqdim olundu.

Sonra şagirdlər ixtisas və mərkəz masaların ətrafında əməkdaşlarla söhbət edib, öz suallarına ətraflı cavab alıblar.