2017-ci il iyunun 2-də Xəzər Universitetində növbəti “Açıq qapı” günü keçirildi. Bakının Suraxanı rayonundakı 232 saylı və Nizami rayonundakı 61 saylı məktəblərin XI sinif şagirdləri ilə görüş universitetin “Mərmər” zalında baş tutudu. Zalda ixtisas qrupları üzrə və universitetdə fəaliyyət göstərən əsas mərkəzlərin informasiya masaları qurulmuşdu.
Tədbiri universitetin Təhsil fakültəsinin dekanı Elza Səmədova açaraq, universitet haqqında ətraflı məlumat verdi. Şagirdlər Xəzər Universiteti barəsində videoçarxlara baxdılar və onlara universitetin bukletləri paylandı.
Qonaqlar universitetin müxtəlif ölkələrdə yüksək vəzifələrdə çalışan məzunları barəsində məlumatla tanış oldular. Şagirdlərə konsert proqramı da təqdim olundu.
Sonra şaqirdlər ixtisas və mərkəz masaların ətrafında əməkdaşlarla söhbət edib, öz suallarına ətraflı cavab aldılar.
Tədbir başa çatdıqdan sonra şagirdlər universitetin laboratoriyaları ilə tanış oldular.