2017-ci il mayın 22-dən 26-dək Portuqalyanın Minyo Universitetində Erasmus+ “Ombudsman vəzifəsi yaratmaqla tələbələrin təmsili təyin olunması” (“Advocacy Establishment for Students through Ombudsman Position” – AESOP) layihəsi çərçivəsində layihənin tərəfdaşlarının görüşü keçirildi. Görüşün əsas məqsədi Minyo Universitetinin Ombudsman ofisinin fəaliyyəti ilə tanış olmaq və onların təcrübələrini öyrənməkdən ibarət idi. Görüşdə Xəzər Universitetini Keyfiyyətin Təminatı Mərkəzinin direktoru Lyudmila Sotova, İngilis dili və ədəbiyyatı departamentinin müdir əvəzi Eynur Mehdiyev, Qəbul və tələbə şöbəsinin müdiri Lamiyə Namazova, Pyp koordinator assistenti Arzu Rzayeva və layihə koordinatoru Rima Məmmədova təmsil edirdilər.  

Qeyd edək ki, eyni layihə çərçivəsində cari il mayın 1-dən 5-dək İtalyanın L’Akvila Universitetində də görüş keçirilmişdi. Görüş zamanı Xəzər Universitetini İngilis dili və ədəbiyyatı departamentinin müdir əvəzi Eynur Mehdiyev, Qəbul və tələbə şöbəsinin müdiri Lamiyə Namazova, Pyp koordinator assistenti Arzu Rzayeva və layihə koordinatoru Rima Məmmədova təmsil etmişdilər.