2017-ci il mayın 26-da Azərbaycan Dövlət Tarix Muzeyində 28 May –Respublika Gününə həsr edilmiş tədbir keçirildi. Yazıçı-publisist, kinorejissor Nazim Rza “Mücadilə” filmi haqqında məlumat verdi. Tariximizin köklü, zəngin anlarının bu filmdə əks olunduğunun qeyd etdi. Daha sonra film nümayiş olundu. Film bitdikdən sonra, filmin elmi məsləhətçisi BDU-nun professoru Elmira Muradəliyeva çıxış etdi.  O, öz çıxışında qeyd etdi ki, bu film tarixi qaynaqlara əsaslanır və bu tədbir, həmçinin, yeni yaranmış “kinoklubun” açılışı ilə bağlıdır.

Tədbirdə Xəzər Universiteti Tarix və arxeologiya departamentinin müdiri Roza Arazovanın başçılığı ilə Təhsil fakültəsinin tarix müəllimliyi ixtisasının tələbələri də iştirak etdilər.

Tədbirin sonunda kinorejissor Nazim Rza tələbələrin suallarını cavablandırdı və öz təşəkkürünü bildirdi.