2017-ci il mayın 19-da Xalq Bankın həyata keçirdiyi “Xalq əmanəti” layihəsinin növbəti – 15-ci nəşri Azərbaycan rəssamı Kamal Əhmədin həyat və yaradıcılığına həsr olunmuş kitab-albomdan ibarət idi. Kitab-albomun təqdimat mərasimində Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı çıxış edərək, Kamal Əhməd haqqında xatirələrini paylaşmış və onun yaradıcılığı haqqında fikirlərini söyləmişdir.