2017-ci il mayın 14-də Xəzər Universitetinin əməkdaşları, əcnəbi tələbə-müəllim heyəti Azərbaycanın Quba şəhərində yerləşən “Məstərgah” adlı istirahət mərkəzinə yollandılar. Səfərdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, “Dünya” məktəbinin həmtəsisçisi Nailəxanım İsayeva, İctimai əlaqələr və media üzrə direktor Əlövsət Əmirbəyli, Beynəlxalq əlaqələr ofisinin işçi heyəti və əcnəbi tələbə-müəllim heyətidə bu səfərdə iştirak etdilər.
Budəfəki səfər ümumilikdə 9 ölkədən – Əfqanıstan, Kamerun, Hindistan, İran, İraq, Qambiya, Zimbabve, Türkiyə və Polşadan olan əcnəbi tələbə-müəllim heyəti və Xəzər Universitetinin işçi heyətindən ibarət idi. Səfərin məqsədi Xəzər Universitetinin əcnəbi müəllim və tələbələrini daha yaxından tanımaq, onları Azərbaycanın gözəl təbiəti, məkanları ilə tanış etmək, milli mətbəximizin ləziz təamlarından dadmaq və gözəl bir vaxt keçirtmək idi.