2017-ci il aprelin 28-də Xəzər Universitetində “30 Aprel ADNA terror” ilə bağlı tədbir keçirildi. “30 Aprel ADNA terror”na həsr edilmiş tədbir bədii nümunələrlə başladı.  

Sonra Xəzər Universiteti Azərbaycan dili və ədəbiyyatı departamentinin müdiri Vurğun Əyyub səhnəyə çıxaraq baş verən terror hadisəsi ilə bağlı fikirlərini bölüşdü və tədbir təşkilatçılarına bəzi məqamları xatırlatdı.

Həmçinin, xüsusi qonaqlardan olan Səfa Mehdi də terrorla bağlı fikirlərini bölüşdü və şeir səsləndirdi.

Sonda 30 aprel terrorunun nədən ibarət olduğunu bəhs edən videoçarx təqdim olundu. Videoçarxda isə Bakı şəhəri sakinlərindən alınan sorğu, videoslayd və terror haqda məlumat verildi. Bundan sonra, terror qurbanları bir dəqiqəlik sükutla yad edildi.

 Qeyd edək ki, 2009-cu il aprelin 30-da Azərbaycan Dövlət Neft Akademiyasında (indiki Azərbaycan Dövlət Neft və Sənaye Universiteti) baş verən terror hadisəsi zamanı 25 nəfər gülləyə tuş gəlmiş, onlardan 12-i dünyasını dəyişmişdir.

https://www.youtube.com/watch?v=xxDTZ_p2CY8&feature=youtu.be