2017-ci il aprelin 25-də Xəzər Universitetinin “Mərmər” zalında “Tormenta” Media Production-ın hazırladığı “Addım” qısametrajlı filminin təqdimat mərasimi keçirildi. Film intihar etməyin son addımlığından geri dönüşdən, həyatda tutunacaq yaxınlarının, gördüyün xeyirxah yaxşılıqların daim səninlə yanaşı addımlamasından bəhs edir. Filmin rejissoru Elçin İsmayıl və İmran Əsədovdur. Filmdə Humanitar və sosial elmlər fakültəsinin tərcümə ixtisası üzrə təhsil alan tələbələri Samir Quliyev və Dəyanət Dənyarov da rol almışlar. Təqdimat mərasiminin sonunda Xəzər Universitetinin İctimai əlaqələr və media şöbəsinin rəhbəri Əlövsət Əmirbəyli, universitetin fəlsəfə müəllimi Mail Yaqubov, ilahiyyatçı, din xadimi; “Mənəvi dünya” Milli-Mənəvi Dəyərlərin Təbliği İctimai Birliyini təsisçisi və sədriHacı Şahin Həsənli, Psixoloji Mərkəzin rəhbəri psixoloq Aytən Ələkbərova və digərləri film haqqında olan təəssürat və görüşlərini izləyicilər ilə paylaşdılar.