2017-ci il aprelin 3-dən 5-dək Avrasiya Bilik Mərkəzi Xəzər Universitetində “Təlimçilər üçün təlim” keçirdi. Təlimdə Qazaxıstan, Qırğızıstan, Tacikistan, Ukrayna və Azərbaycandan ümumilikdə 15 nəfər iştirak edirdi. İştirakçılar xüsusi təlimçilərin köməyi ilə təlim keçirməyin metod və yolları, habelə uğurlu təlim taktikasının özəllikləri ilə tanış oldular. Təlimdə xüsusi bacarıqları aprobasiya etmək üçün hasilat sənayesi mövzuları tətbiq edildi. Təlimin sonunda iştirakçılar fərdi təqdimat edərək, əldə etdiyi bacarıqları nümayiş etdirdilər. İsveçrə Əməkdaşlıq Təşkilatının Cənubi Qafqaz üzrə direktor müavini xanım Simon Haberli (Simone Haeberli) və Avrasiya Bilik Mərkəzinin direktoru İnqilab Əhmədov iştirakçılara təlimi uğurla başa çatdırdıqlarına görə sertifikat təqdim etdilər.