2017-ci il fevralın 17-24-də Polşanın Lutsk şəhərində sanda idman növü üzrə Avropa kuboku uğrunda yarışlar keçirilmişdir. Humanitar və sosial elmlər fakültəsinin üçüncü kurs tələbəsi Firudin Həsənov (tərcümə ixtisası) həmin yarışlarda iştirak edərək, öz çəki dərəcəsində (85 kq) turnirin qalibi olmuşdur. Qeyd edək ki, bu, Firudinin növbəti qələbəsidir. O, beş dəfə Azərbaycan çempionu olmuş, 2013-cü ildə Bolqarıstanın Sofiya şəhərində keçirilmiş beynəlxalq turnirdə Avropa çempionu, 2015-ci ildə Bakıda təşkil olunmuş yarışlarda Avrasiya çempionu titullarını qazanmış, 2016-cı ildə Ukraynanın Xarkov şəhərində keçirilmiş dünya çempionatında ikinci yeri tutmuşdur.

On yeddi ölkə idmançılarının qatıldığı Lutsk turnirində Azərbaycanı Firudindən başqa daha doqquz idmançı təmsil etmişdir. Onlar da vətənə qələbə ilə qayıtmışlar: altı idmançımız öz çəki dərəcələrində Avropa kubokunu qazanmış, üç idmançımız ikinci yeri tutmuşdur.

Qalibləri təbrik edirik.