2017-ci il fevralın 25-də Xəzər Universiteti Tarix və arxeologiya departamentinin müəllimi Nuridə Atəşinin tədris etdiyi “Qafqaz arxeologiyasının tarixi: maddi-mədəni irs və Xocalı-Gədəbəy mədəniyyəti ma­te­rialları Avropa muzeylərində” dərsi Xocalı soyqırımına həsr edilmişdi.

Təhsil fakültəsi tarix muəllimliyi ixtisasının tələbələri Xocalı soy­qırımının  törədilməsi, onun səbəbləri, yol açdığı acı nəticələri mü­zakirə etdilər. İlahə Yusifli, Aysel Mənsimova, Aytən Babayeva  və Şəhriyar Kərimov Xocalı faciəsi haqqında, onun beynəlxalq səviyyədə tanınması, təbliği yo­lunda dövlətin apardığı siyasətdən söhbət açdılar. Yusif Əh­mə­dov, Aytən Babayeva, Samid Axundov və başqaları işğal olunmuş rayonlar haqqında valideynlərindən, nənə və ba­balarından eşitdikləri hadisələri xatırladılar.