2017-ci il yanvarın 27-də Xəzər Universitetinin Mərmər zalında tanınmış iş adamı, maarifçi, xeyriyyəçi və naşir Əl Polada Xəzər Universitetinin Fəxri doktoru adı verilməsi münasibətilə mərasim keçirildi. Mərasimdə universitetin rəhbərliyi və əməkdaşları, görkəmli elm və sənət adamları iştirak edirdilər.
Mərasimi universitetin təsisçisi, Direktorlar və Qəyyumlar Şurasının sədri prodessor Hamlet İsaxanlı açaraq, Əli Poladın həyat və fəaliyyəti, ədəbi və elmi fəaliyyəti haqqında qısa məlumat verdi. Sonra Əli Polada həsr olunmuş film nümayiş etdirildi.
Xəzər Universitetinin rektoru Dr. Hassan Niknafs Əli Polada fəxri doktor adı verilməsi haqqında universitetin Elmi Şurasınnı qərarını elan etdi və professor Hamlet İsaxanlı fəxri doktor diplomunu ona təqdim etdi. Əli Polada fəxri doktor mantiyası geyindirildi və ona gül dəstələri təqdim olundu.
AMEA akademik Ziya Bünyadov adına Şərqşünaslıq İnstitutunun aparıcı elmi işçisi Solmaz Rüstəmova - Tohidi Əli Poladın həyat və fəaliyyəti haqqında məruzə etdi.
Sonda Əli Polad çıxış edərək, ona göstərilən etimada görə Xəzər Universitetinin rəhbərliyinə təşəkkürünü bildirdi.