2017-ci il  yanvarın 11-də  Xəzər Universiteti Məzunlarla İş Mərkəzinin müdiri Baba Bayramlı universitetin Məzunlar Assosiasiyasında oldu və assosiasiyanın üzvləri ilə gələcək əməkdaşlıqla bağlı müzakirələr apardı. Assosiasiyanın İcra Komitəsinə yeni qəbul olunmuş üzvlərə fəaliyyətlərində uğurlan arzulandı və gündəlik işin operativ təşkili üçün onların arasında iş bölgüsü aparıldı. Əsasən İqtisadiyyat və menecment fakültəsinin tələbələri üçün nəzərdə tutulan və Azərbaycanda hazırda bank sektorunda baş verən proseslərin təhlilinə həsr olunacaq növbəti ustad dərsinin 2017-ci ilin fevralında keçirilməsi qərara alındı. Həmin tədbirin əvvəlində Məzunlar Assosiasiyasının loqosu və devizinin də təqdim olunması nəzərdə tutulur.

Görüşdə assosiasiyanın prezidenti Eldar Həmidov da iştirak edirdi.