2016-cı il dekabrın 5-də Xəzər Universitetinin “Mərmər” zalında İqtisadiyyat və menecment fakültəsinin dekanı İnqilab Əhmədovun təşkil etdiyi “Avrasiya Bilik Mərkəzi” adlı konfrans keçirildi. Konfransın məqsədi iştirakçılarla Avrasiyanın neft və qaz ixrac edən ölkələrinin hüquq və maliyyə rejimlərini müzakirə etmək, onlarla bu mövzuda treninq keçmək idi.
Tədbirdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, Avrasiya Regional direktoru Qalib Əfəndiyev, NRGT-nin hüquq eksperti Amir Shafei və Qırğızıstan, Monqolustan, Ukrayna və s. ölkələrdən dəvət olunmuş qonaqlar iştirak edirdilər.
Tədbiri İnqilab Əhmədov açaraq, iştirakçılara konfransın məqsədi, xüsusi qonaqlar haqqında məlumat verdi.
Sonra professor Hamlet İsaxanlı çıxış edərək, qonaqlara Xəzər Universiteti, universitetin əməkdaşlıq etdiyi təşkilatlar, həyata keçirdiyi tədbirlər haqqında qısa məlumat verdi. Daha sonra tədbir iştirakçıları təmsil etdikləri ölkələrin neft və qaz sənayesi haqqında öz fikirlırini bölüşdülər. NRGT-nin hüquq eksperti Amir Shafeinin iştirakçılara neft və qaz hasilatının hüquqi əsasları ilə bağlı treninq keçdi.