2016-cı il dekabrın 1-i və 2-də Avropa İttifaqı və Azərbaycan Respublikası Təhsil Nazirliyi arasında birgə əməkdaşlıq çərçivəsində Bolonya prosesinə uyğun ikili diplomlar və MBA proqramı üzrə TAIEX seminarı keçirildi.
Seminar zamanı Azərbaycanda və Avropa İttifaqına üzv ölkələrdə MBA proqramları, ikili dərəcə diplom təhsili, Bolonya prinsipləri çərçivəsində Avropa İttifaqı və ittifaqa üzv olmayan ölkələrdə birgə və ikili dərəcə diplomlarının tanınması prosedurları və digər məsələlər müzakirə olundu.
Seminarda Xəzər Universitetindən Keyfiyyətin Təminatı Mərkəzinin rəhbəri Lyudmila Sotova və İqtisadiyyat və menecment departamentinin rəhbəri Ceyhun Məmmədov iştirak etdilər.