2016-cı il noyabrın 24-də Xəzər Universitetinin nəzdində fəaliyyət göstərən “Dunya” məktəbinin direktoru Marufə Mədətova ingilis dili müəllimləri ilə görüş keçirdi. Görüşdə məktəb olimpiadasının keçirilməsi və nəticələrin müəllimlər tərəfindən yoxlanılması, eləcə də, yekun testlərə hazırlıq prosesi ətraflı müzakirə olundu.

İclasda Peşəkar İnkişaf Proqramı (“Dunya” Professional Development –DDP Centre) çərçivəsində müəllimlərin peşə hazırlıqlarının artırılması üçün seminar, konfrans və treninqlərin keçirilməsinə qərar verildi. Yalnız “Dünya” məktəbi deyil, digər dövlət və özəl məktəb müəllimlərinin iştirakı nəzərdə tutulan bu layihənin tezliklə Bakı və Sumqayıtdakı “Dünya” məktəblərində həyata keçirilməsi nəzərdə tutulur.