2016-cı il noyabrın 10-da Xəzər Universitetinin nəzdində fəaliyyət göstərən “Dünya” məktəbində I sinif şagirdlərinin “Ədədlər bayramı” qeyd olundu. Ümumiyyətlə, bu gün dünyanın müxtəlif ölkələrinin təhsil ocaqlarında I sinif şagirdlərinin 0-dan 10-a qədər olan ədədləri öyrənməsi ilə əlaqədar “Ədədlər bayramı” kimi keçirilir. Şagirdlər ədədlər haqqında müxtəlif şeirlər, atalar sözləri, tapmacalar, məsələlər və sanamalar söylədilər. Burada məqsəd şagirdləri məktəb həyatına mümkün qədər tez uyğunlaşdırmaqdır. Təqdimatların bədii, musiqili və səhnələşdirilmiş formada keçirilməsi buna şərait yaradır. Şagirdlər qısa müddət ərzində özlərini ifadə etməklə yanaşı, sərbəst və rahat təhsil aldıqlarını sübut etdilər.