2016-cı il noyabrın 24-də Xəzər Universiteti Tarix və arxeologiya departamentinin təşəbbüsü ilə Təhsil fakültəsi tarix ixtisasının I və II kurs tələbələri ilə AMEA Arxeologiya və Etnoqrafiya İnstitutunun əməkdaşı, tarix üzrə fəlsəfə doktoru, paleolit dövrü üzrə tanınmış arxeoloq Azad Zeynalovun görüşü keçirildi. Görüş zamanı Azərbaycanın paleolit dövrünün tədqiqi tarixi, abidələr və tapıntılar haqqında maraqlı elmi mühazirə oxunmuş və gənc tarixçiləri maraqlandıran bir sıra məsələlərə aydınlıq gətirilmişdir. Görüşdə Xəzər Universiteti Azərbaycan dili və ədəbiyyatı departamenti müəllimi Xatirə Yusifova və Tarix və arxeologiya departamenti müəllimi Orxan Zamanov da iştirak etmişlər.

Tələbələrə Azərbaycanda aparılmış son elmi tədqiqatlar və qazıntılar haqqında ətraflı məlumat verilmişdir.