2016-cı il noyabrın 23-ü və 24-də Xəzər Universiteti Tarix və arxeologiya departamentinin müəllimi Araz Aslanlı Türkiyənin İstanbul şəhərində keçirilən iki konfransda məruzə ilə çıxış etmişdir.

Araz Aslanlı əvvəlcə Marmara Universitetində “Cənubi Qafqazdakı son proseslər və Qarabağ problemi” adlı məruzə ilə çıxış etmişdir. Məruzədə Qarabağ probleminin yaranmasının və həll olunmadan qalmasının səbəbləri izah edilmiş, eləcə də, Qarabağ problemin həll olunmamasının Azərbaycan, region və dünya üçün yaratdığı mənfi nəticələr və risklər barədə məlumat verilmişdir. Məruzədən sonra iştirakçıların sualları cavablandırılmışdır.

Noyabrın 24-də Araz Aslanlı İstanbul Şehir Universitetində keçirilən “Avrasiyanın Balkanları –Qafqaz regionunda güc savaşları” adlı konfransda məruzə ilə çıxış etmişdir. Məruzədə Qafqaz regionunun qlobal və regional güclər üçün əhəmiyyəti, region uğurundakı tarixi rəqabət və hazırda gedən proseslər izah edilmişdir. Məruzədən sonra iştirakçıların sualları cavablandırılmışdır.