Cari tədris ilində Xəzər Universiteti ABŞ Dövlət Departamenti tərəfindən dəstəklənən Peer to Peer (P2P) layihəsinin “Ekstremizmə qarşı Mübarizə Proqramı”nda ikinci dəfə iştirak edir.
Xəzər Universitetinin İqtisadiyyat və menecment fakültəsinin 8 nəfər yerli və beynəlxalq tələbələrindən (Mohanad Abuhashish, Alex Takamgang Wose, Justin Berinyuy Bongwong, Aysu Cəbrayılova, Svetlana Haciyeva, Bəylar Haqverdi, Həsən Əlili, Tamella Mahmudzadə) ibarət olan “Sülh üçün” komandasının rəhbəri marketinq fənnini tədris edən Ləman Qayidovadır.
Komandanın məqsədi ekstremizmə qarşı mübarizədə fəal iştirakı təbliğ etməkdir. Onlar cəmiyyətin hiss, həyəcan və dərdlərini anlamaqla dünyaya həmrəylik göstərirlər.
Komandanın facebook səhifəsi ilə bu linkdə tanış ola bilərsiniz:
https://www.facebook.com/challengeextremismforpeace/?fref=ts
Qeyd edək ki, 2016-ci ilin yazında “İmagine” komandası eyni layihədə Xəzər Universitetini təmsil edərək 3-cü yer tutdu. Bununla onlar ABŞ-a səfər edib münsiflərin qarşısında hazırladıqları təqdimatı keçirmək imkanı qazandılar.