2016-cı il noyabrın 14-ü və 15-də I Türkoloji Qurultayın 90 illiyinə həsr olunmuş “Türkoloji Elmi-Mədəni Hərəkatda Ortaq Dəyərlər və Yeni Çağırışlar” mövzusunda beynəlxalq konfrans keçirildi.

Azərbaycan Respublikası Təhsil Nazirliyi,  Azərbaycan Respublikası Mədəniyyət və Turizm Nazirliyi, Azərbaycan Milli Elmlər Akademiyasının Rəyasət Heyəti, AMEA Nəsimi adına Dilçilik İnstitutu, AMEA Nizami adına Ədəbiyyat İnstitutu, AMEA akademik Z.Bünyadov adına Şərqşünaslıq İnstitutunun birlikdə təşkil etdikləri  konfransda Xəzər Universiteti Təhsil fakültəsinin tələbələri Ema Niftəliyeva, Sevda Fərəcova, Xatirə Ağayeva, İlahə Qasımzadə,  Nizami Əlisoy iştirak etdilər. Xəzər Universitetində “Türk xalqları ədəbiyyatı” fənnini tədris edən dosent, fil.ü.f.d. Elmira Məmmədova-Kekecin rəhbərliyi ilə adları qeyd edilən tələbələr “Türkologiya” jurnalının konfrans çərçivəsində təşkil etdiyi dəyirmi masanın fəal üzvlərinə çevrildilər. Dəyirmi masa jurnalın baş redaktoru akademik Kamal Abdullayevin sədrliyi ilə keçirildi. Dəyirmi masada tələbələr Azərbaycan və xarici ölkələrin görkəmli alimləri ilə tanış oldular. Görüş çərçivəsində Əhməd Bican Ercilasun, Osman Fikri Sərtqaya, Fikrət Türkmən, Ramazan Qorxmaz, Ramil Valeyev, Ramiz Əsgər, Mehman Musaoğlu, Muxtar İmanov, Elbrus Əzizov kimi türkoloq alimlər tələbələrin sualları cavablandırdılar.

“Türkologiya” jurnalının redaksiya heyəti tərəfindən həmin tələbələrin aktiv iştirakı yüksək dəyərləndirildi, növbəti aylarda da bu səpkidə seminar və görüşlərin keçirilməsi qərara alındı.