2016-cı il noyabrın 7-dən 9-dək Xəzər Universitetində Xəzər Universiteti ilə Fransanın Milli Elmi Tədqiqarlar Mərkəzinin (CNRS) nəzdində fəqliyyət göstərən “Labex Transfers” elmi qurumunun təşkilatçılığı ilə “Qafqazda görüşlər və qarşılıqlı təsirlər. Mədəniyyətlərarası əlaqələrin uzunmüddətli tarixi” adlı beynəlxalq elmi konfrans keçirildi.

Xəzər Universitetinin təsisçisi, Direktorlar və Qəyyumlar Şirasının sədri professor Hamlet İsaxanlı giriş sözü ilə konfransı açıq elan etdi. Konfransda Fransa, İsveçrə, Rusiya, Gürcüstan, Türkiyə və Azərbaycan alimləri Qafqazda tarix, arxeologiya, kulturologiya sahələrində baş verən mədəni transfer prosesləri ilə əlaqədar məruzələrlə çıxış etdilər.

Konfrans zamanı antik zamanlardan Sovet dövrünə qədər Qafqaz regionunda baş verən mədəni transformasiyalar və qarşılıqlı mədəni təsirlərin dinamikası məsələləri müzakirə edildi.

Konfrans iki hissəsədən ibarət idi: Birinci hissədə, noyabrın 7-si və 8-də konfrans iştirakçıları elmi məruzələr oxudular və mövzular ətrafında müzakirələr apardılar. İkinci hissədə – noyabrın 9-da konfrans iştirakçıları Azərbaycanın qədim məbədlərindən biri olan “Atəşgah məbədi” Dövlət Tarix-Memarlıq Qoruğunda, Şəhidlər Xiyabanında və İşəri Şəhərdə oldular. Günün sonunda Xəzər Universitetinin şəhər mərkəzindəki kampusunda (Bəşir Səfəroğlu küç. 122) qonaqlar üçün təşkil olunan milli musiqidən və rəqslərdən ibarət konsert təşkil olundu.

Konfrans müxtəlif televiziya və xəbər agentləri tərəfindən işıqlandırıldı.