2016-cı il noyabrın 8-də Xəzər Universitetinin İdarəetmə və tələbə işləri üzrə prorektoru İsaxan İsaxanlı Bakı şəhəri Suraxanı rayonu 232 nömrəli tam orta məktəbində 9 Noyabr – Dövlət Bayrağı Günü münasibətilə keçirilən tədbirdə iştirak etmişdir. Tədbir “Bayrağım qürurumdur” mövzusunda inşa müsabiqəsi və “Ucal, mənim üçrəngli bayrağım!” adlı rəsm müsabiqəsi qaliblərinin mükafatlandırılmasına həsr olunmuşdur. Müsabiqədə fərqlənən məktəblilərə diplomları İsaxan İsaxanlı təqdim etmişdir.