2016-cı il noyabrın  2-dən 6-dək Xəzər Universiteti Xəzər Psixoloji Xidmət Mərkəzinin direktoru, Humanitar və sosial elmlər fakültəsinin dekan muavini Mələk Kərimova Türkiyənin Süleyman Dəmirəl Universiteti və Qərbi Macarıstan Universitetinin əməkdaşlığı ilə təşkil edilən 2-ci Sosial Elmlər və Təhsil Tədqiqatları Beynəlxalq Konfransında tezis ilə çıxış etmişdir. Mələk Kərimova və Nərmin Osmanlı Azərbaycanda ilk dəfə Derogatis (1993) tərəfindən hazırlanan və dünyanın bir çox ölkəsində istifadə edilən, psixoloji distress səviyyəsini ölçmək üçün “Qısa Semptom Envanterini” Azərbaycana uygunlaşdırmışlar. 309 gənç üzərində keçirilən tədqiqatın nəticələri ilə konfransda çıxış edən Mələk Kərimova bu testin adaptasiyasının zəruriliyini də qeyd edərək, ölkələr arası təhlillərə də geniş yer vermişdir.