Xəzər Universitetinin 2014-cü ilin sentyabrından başlayaraq, UNICEF (BMT Uşaq Fondu) və Təhsil Nazirliyinin maliyyə dəstəyi ilə birgə həyata keçirdiyi “Potensial məktəb direktorları” layihəsində təcrübəsini, bu layihə çərçivəsində keçirilən təlimlərin uğurla başa çatmasını, xeyli sayda pedaqoqun sözügedən təlimlərdə iştirakla bağlı çoxsaylı müraciətlərini nəzərə alaraq və Xəzər Universiteti Nizamnaməsinin 1.27 maddəsini rəhbər tutaraq, Potensial məktəb direktorları layihəsini yeni V turda 43 nəfərlə davam etdirir. Dərslər həftənin üç günü “Neftçilər” kampusunda keçirilir. Artıq 323 nəfəri təlim etmiş proqram davamlı olaraq, İnkişaf proqramı kimi ümumtəhsil müəllimlərinin geniş marağına səbəb olmuşdur.