2016-cı il oktyabrın 15-də Xəzər Universitetinin “Potensial məktəb direktorları” kursunu uğurla başa vurmuş və 184 saylı məktəbə direktor vəzifəsinə yeni təyin olunmuş Rəşad Alcanovun dəvəti ilə universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və Təhsil fakültəsinin dekanı Dr. Elza Səmədli “Məktəb-universitet əməkdaşlığı” layihəsi çərçivəsində 18 Oktybar – “Müstəqillik Günü” ilə bağlı bayram tədbirində istirak etdilər. Tədbirdə çıxış edən professor Hamlet İsaxanlı Azərbaycan xalqının müstəqillik tarixindən maraqlı faktlara diqqət çəkərək, 1991-ci il oktyabrın 18-də Azərbaycanın yenidən müstəqilliyini bərpa etməsindən danışdı, verdiyi nümunələrlə müstəqilliyin önəmini vurğuladı. Şagirdlərin hazırladığı vətənpərvərlik ruhlu müxtəlif çıxışlarla davam edən tədbirin sonunda professor Hamlet İsaxanlıya 184 saylı məktəbə göstərdiyi diqqət və dəstəyə görə plaket təqdim olundu.

Professor İsaxanlı da öz kitablarını və Universiteti simvolizə edən müxtəlif hədiyyələri 184 saylı məktəbə bağışladı və Xəzər Universitetinin hər zaman təhsilin inkişafına dəstək verməyə hazır olduğunu qeyd etdi.