2016-cı il oktyabrın 12-də Xəzər Universitetinin “eiLink” Tədqiqat və İnkişaf Mərkəzinin birinci geoloji tədqiqat layihəsinin təqdimatı keçirildi. Təqdimatı giriş sözü ilə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı açaraq, “eiLink” Tədqiqat və İnkişaf Mərkəzininin yaradılmasının əhəmiyyətindən danışdı. Tədbirdə iştirak edən Xəzər Universitetinin Neft-qaz mühəndisliyi kafedrasının müdiri və “eiLink” Təqiqat və İnkişaf Mərkəzinin direktoru Qəşəm Zeynalov və Azərbaycan Neft Mühəndisləri İctimai Birliyinin İdarə Heyətinin üzvləri “eiLink” Tədqiqat və İnkişaf Mərkəzinin yaradılması, onun vəzifələri və hazırda aparılan tədqiqat işlərinin istiqamətləri haqqında məlumat verdilər.
Sonra layihənin rəhbəri və əsas icraçısı Qəşəm Zeynalov, layihənin icraçısı və universitetin doktorantı Şəhriyar Alxaslı tədqiqatların ilkin nəticələrini təqdim etdilər. Layihə tədbir iştirakçıları tərəfindən geniş müzakirə edildi. Tədbirin sonunda Xəzər Universitetinin təsisçisi və Direktorlar və Qəyyumlar Şurasının sədri professor Hamlet İsaxanlı, universitetin rektoru Dr.Hassan Niknafs tədqiqatlarla bağlı fikirlərini söylədilər.
Tədbirdə həmçinin, Xəzər Universitetinin prorektoru, professor Məhəmməd Nuriyev və Universitetin Neft-qaz mühəndisliyi üzrə doktorantları da iştirak edirdilər.