2016-cı iloktyabrın4-də Xəzər Universitetinin“Neftçilər” kampusunda DAAD (AlmanAkademikMübadilə Servisi)  proqramları ilə bağlı təqdimat keçirildi.

Təqdimatı DAAD Bakı informasiya mərkəzinin nümayəndəsi Rəna Həsənova apardı. R.Həsənova DAAD haqqında ümumi məlumat verdi və Almaniyada bakalavr, magistr, doktorantura proqramları üzrə təhsil imkanları, eləcə də, alman dili yay kursları üçün mövcud təqaüdlərdən danışdı. Təqdimat auditoriyanın suallarının cavablandırılması ilə başa çatdı.

Təqdimtadan sonra Rəna Həsənova Xəzər Universitetin Beynəlxalq əlaqələr şöbəsinin direktoru Turan Cəfərova ilə görüşdü. Almaniya universitetləri ilə əməkdaşlıq, universitetin inzibati və akademik işçiləri üçün mümkün maliyyələşdirmə və təqaüd imkanları və digər mövzular müzakirə olundu.

DAAD dünyada tələbə və tədqiqatçıların maliyyələşdirilməsi ilə məşğul olan ən böyük təşkilatlardan biridir. DAAD-ın Azərbaycanda ən böyük hədəflərindən biri beynəxalq tələbə və tədqiqatçı mübadiləsini artırmaq və informasiya prosesini gücləndirməkdir.