2016-cı il oktyabrın 1-də Xəzər Universiteti Tələbə Məclisi birinci il tələbələri ilə görüş təşkil etdi. 2016-2017-ci tədris ili üçün Tələbə Məclisinin prezidenti Qurban Əsgərov və onun müavinləri 3 fakültəni təmsil edən 200-ə yaxın tələbə ilə görüşdə Tələbə Məclisinin hansı işləri gördüyü barədə danışdılar. Sonra tədbirin təşkilatçıları tələbələrin çoxsaylı suallarına da cavab verdilər.

Ən sonda, irad və təkliflərini bildirmək üçün birinci il tələbələrinə anketlər paylandı.

İqtisadiyyat və menecment fakültəsinin tələbələri üzrlü səbəbdən tədbirdə iştirak edə bilmədikləri üçün onlarla görüşün gələn həftə keçirilməsi nəzərdə tutulur.