2016-cı il sentyabrın 8-də Xəzər Universiteti Tarix və arxeologiya departamentində “Hərbi döyüşdə qələbə və məğlubiyyəti təmin edən amillər: tarix və müasirlik” mövzusunda seminar keçirildi. Seminarı departamentin müdiri Roza Arazova aparırdı. Seminarda Milli Azərbaycan Tarixi Müzeyinin elmi ekspazisiya və sərgilərin təşkili şöbəsinin müdiri Səbuhi Əhmədov, departamentin müəllimi Orxan Zamanov, tarixçi-şərqşünas Fərda Əsədov və departament müdirinin assistenti Akifə Cəfərli çıxış etdilər.
Seminar iştirakçıları hərbi döyüş və müharibələrə təsirləri olan və nəticələrini müəyyən edən amilləri müzakirə etdilər. Müharibə nəticəsinin qələbə və məğlubiyyətlə bitməsinə onların sistemli şəkildə birləşdirilimiş təsirlərinin önəmli olması qeyd edildi. Zaman keçdikcə qələbəyə təsiri olan amillər münasibətinin müəyyən dərəcədə dəyişməsi müzakirə edildi. Köçəri və oturaq həyat tərzi olan xalqlarda bu münasibətlərin müxtəlif olması qeyd olundu. Daha yaxından ərəblərin və monqolların zəfərli hərbi əməliyyatları müqayisə edildi və nəticə etibarı ilə hər birinin yeni ordu quruculuğu və hərbi taktika sahibi olması həlledici qələbə amili kimi qeyd edildi.
Qarabağda bu ilin aprelindəki hərbi əməliyyatlar və strategiya yenilikləri tarixin dərsləri işığında müzakirə edildi.