2016-cı il avqustun 24-dən 30-dək Bolqarıstanda keçirilmiş Sosial elmlər üzrə III Beynəlxalq Multidisiplinar Elmi konfransda Xəzər Universitetinin dissertantı (İngilis dili və ədəbiyyatı departamentinin Seçmə fənlər üzrə proqram koordinatoru) Milana Abasova “Sosial şəbəkələrin azərbaycanlı tələbələrin ingilis dilini öyrənməsinə təsiri” adlı məqalə ilə çıxış etdi. Milana Abasova avqustun 28-də – konfransın 5-ci günü keçirilən iclasın səhər sessiyasına sədrlik etdi, ən yaxşı təqdimata görə “büllur lövhəcik” və sertifikatla mükafatlandırıldı.