2016-cı il avqustun 31-dən sentyabrın 1-dək Xəzər Universiteti Elektronika və telekommunikasiya departamentinin müdiri Nuru Səfərov və Neft-qaz mühəndisliyi departamentinin müdiri Qəşəm Zeynalov Bakıdakı otellərdən birində keçirilən “İdarəetmə elmi və mühəndislik idarə etməsi” mövzusunda X beynəlxalq konfransında iştirak etdilər. Konfrans Elm və Mühəndislik İdarə etməsi Beynəlxalq Cəmiyyətinin, Azərbaycan Respublikası Təhsil Nazirliyinin, Rabitə və Yüksək Texnologiyalar Nazirliyinin, Azərbaycan Milli Elmlər Akademiyasının, Azərbaycan Dövlət Neft və Sənaye Universitetinin, Azərbaycan Dövlət İqtisad Universitetinin, Azərbaycan Texniki Universitetinin və Çinin Siçuan Universitetinin təşkilatçılığı ilə keçirilirdi. Konfransda bir sıra ölkələrin aparıcı alimlərinin idarəetmə elmi və onun tətbiqinə həsr edilmiş elmi məruzələri dinlənildi.