Xəzər Universitetinin yeni tələbə yataqxanası açıldı

Xəzər Universitetinin yeni tələbə yataqxanası həm yerli, həm də əcnəbi tələbələr üçün mebelli rahat yaşayış şəraiti təklif edir.

Yer: Xəzər Universitetinin "Neftçilər" kampusuna (3 dəq piyada məsafə) və "Neftçilər" metro stansiyasına (10 dəq piyada məsafə) yaxın ərazidə yerləşən yataqxana bir sıra xidmətlər təklif edir.

Avadanlıq və xidmətlər:

- Otaqlar: şərik/ortaq otaq (bir otaqda minimum 2, maksimum 4 nəfər)

- Hər otaqda yataq, kiçik siyirtmə, paltar şkafı və stol var

- Ayaqyolu və hamam: ümumidir, otaqlardan bayırda yerləşir

- Mətbəx: mətbəx və saxlama (soyuducu) avadanlıqları ilə təchiz olunmuş ümumi mətbəx/bufet ərazisi

- Paltaryuyan maşın (quruducu ilə), ütü və s. təchiz olunmuş camaşırxana

- Ümumi istirahət otağı: komputerlər, televizor, divan olan bu otaq sizin və qonaqlarınızın rahatlığını təmin edir

- İnternet: bütün yataqxananı əhatə edən WI-FI

- Saxlama otağı

- Sakit ərazidə yerləşən dərs otağı

Yataqxanada təhlükəsizlik: Yataqxana tələbə və qonaqların təhlükəsizliyini təmin etmək məqsədilə təhlükəsizlik kameraları ilə təchiz olunmuşdur. Bina 24/7 video nəzarətdədir və təhlükəsizlik işçiləri var.

Qiymətlər: Bir nəfər üçün aylıq ödəniş: əcnəbi tələbələr 90-140 ABŞ dolları, yerli tələbələr 120-170 AZN

Gülərüz və yardımsevər yataqxana personalı sizin xidmətinizdədir. Siz yataqxanamızda qarşılamağı səbirsizliklə gözləyirik.