2016-cı il iyunun 2-də CEFAM: Fransa-Amerika Biznes Məktəbi Xəzər Universiteti ilə əməkdaşlıq qurmaq üçün “Neftçilər” kampusunda görüşdə iştirak etdi.

Fransadan olan qonaqlar CEFAM Biznes Məktəbinin direktor müavini Karine Chaux və Groupe IGS Lyon təşkilatında Beynəlxalq inkişaf və layihələr üzrə meneceri Valida Mechri idi. Xəzər Universitetini görüşdə rektor Dr. Hassan Niknafs, Akademik işlər üzrə prorektor Məhəmməd Nuriyev, İqtisadiyyat və menecment fakültəsinin dekanı İnqlab Əhmədov və Beynəlxalq əlaqələr şöbəsinin direktoru Turan Cəfərova təmsil edirdi.

Görüşün əsas məqsədi Erasmus+ proqramı çərçivəsində əməkdaşlığı müzakirə etmək idi. Görüşdə həmçinin, iqtisadiyyat və menecment sahələrində ikili-dərəcə proqramlarının yaradılması məsələsi müzakirə olundu.