2016-cı il mayın 27-də Xəzər Universitetində SourceGrab.com proqramlaşdırma saytının təqdimatı keçirildi. Təqdimatda layihənin ideyası, strukturu barədə qonaqlara məlumat verildi.

IT sahəsində əsas qaynaqlar ingilis dilində qeyd olunduğu üçün bu dil daha çox açar dil kimi qəbul olunur. Təbii qəbul olunmağına baxmayaraq, bu dili bilməmək, bu sahəyə ilk addımlarda mümkün olduğu qədər çətinlik yaradır. Yeni bir kompüter mühəndisinin öz dilində qaynaq tapmadığına görə, növbəti addımları atmamasına səbəb olur.

Məhz bu və bunun kimi halların qarşısını almaq üçün SourceGrab kompüter mühəndislərinin bir arada olmağını təmin edərək, bildikləri mövzuları öz dilində paylaşmağı təklif edir. Bu təklifi qəbul etmək, bir neçə yeni mühəndisin, peşəkar mühəndis olmağına yol açmaq, bu elmi öz dilimizdə inkişaf etdirmək və ixtiraçıların çoxalmasına yol açmaq deməkdir. Yeni, orta və irəli səviyyəli mühəndislər üçün saytda (http://www.sourcegrab.com) bu şəraitlər yaradılmışdır:

Depo – Kod, kodlaşdırma, kodlaşdırarkən yaranan problemlər haqqında qeyd olunmuş qaynaqlardan təşkil olunur.

Seminar – Kompüter mühəndisliyi sahəsində ixtisasçılar tərəfindən mövzu ətrafına məlumatlandırma və ya tələb olunan mövzular haqqında seminarlardan təşkil olunur.

Dəsrliklər – İxtisasçılar tərəfindən hər bir proqramlaşdırma dili tədris olunan bölmə. Saytda html, xml, css, javascript, jquery,php, mysql, java, c#, c/++, d, oracle, python, asp proqramlaşdırma dilləri mövcuddur. Yeni planlara görə növbəti proqramlaşdırma dilləri əlavə olunaraq, tədris olunacaq. Əlavə olaraq, öyrənən istifadəçilər mövcud olmayan mövzuları tələb edə, sual verə və ixtisasçılardan cavab ala biləcəklər.

Layihənin komanda şəklində yaradıldığı və komandanın 15 nəfərdən ibarət olduğu qeyd olundu. Bundan başqa, layihənin 30-dan çox üzvü olduğu bildirildi.